بنعمل إيه لما بنتجرح؟!
لو جرح مادي أكيد هنبوس الواوا طيب لو جرح نفسي أو "عاطفي" بالأخص بنعمل إيه؟!
خلونا نتكلم الأول هو إيه أسباب الجرح العاطفي؟!
هو كل حكاية وليها ظروفها بس ممكن نتكلم عن الcommon reasons ال بتبقى موجودة في أغلب العلاقات زي مثلاً:
1-أول وأهم سبب هو إنك إختارت الشخص غلط من البداية ودي ال بيتبنى عليها بيبقى من منطلق ما بني على باطل فهو باطل حد مش شبههك مش فاهمك ممكن كمان مش بيحبك بس إنت فراغك خيل ليك إن هو ده الشخص علشان مش هتفضل وحيد طول عمرك يعني
تاني حاجة التضحيات : العلاقة دي زي السفينة تخيل كل طاقم السفينة دي واقفين في جنب واحد ومفيش حد راضي يتنازل ويروح الجنب التاني أكيد هيختل توازنها وهتغرق العلاقات كدة بالظبط مفيش علاقة ينفع يمشيها شخص واحد نفس الشخص ال بيحب هو الشخص ال بيضحي وبيقدم تنازلات هو الشخص ال بيصالح وبييجي ع نفسه علشان الدنيا تمشي بس في وقت ما الطاقة بتخلص وبييجي هنا دور الطرف التاني وآسفة إني هقولك إن عادة بيبقى دور سلبي لإنه إتعود ياخد مايديش وبيبقى شايف ده حق مكتسب بيزعل لما بيلاقي التضحيات وقفت وبيعتبرها إيه ده انت/ي مابقيتش تحبني/تحبيني كفاية ؟! وبيبدأ هنا الشخص ال ضحى يفوق ويكتشف إنه كان مستغل وإنه في علاقة غير سوية وبتنتهي العلاقة مع نهاية التضحيات
تالت حاجة التنازلات : مش عيب إن كل طرف يتنازل عن حاجة علشان زي ما قولنا المركب تمشي بس في حاجات مينفعش أتنازل فيها زي المستوى الإجتماعي الثقافي والمادي زي صفات عارف إنك مش هتقدر تتقبلها بيئة مش هينفع تدخل فيها وتلاقيك بتقول هتأقلم وهعدي وهتنازل انا بحب بس بعد فترة البدايات والحب والمشاعر بتبدأ مرحلة الواقعية وهنا بتكتشف إنك مش قادر تتنازل مش عارف تمشي الدنيا علشان زي ما قولنا في حاجات مش هينفع تتنازل فيها
الخيانة ودي موضوع كبير هنتكلم عنها في موضوع منفصل
وأسباب كتير غير المذكورة بناء على كل relationship وظروفها
طيب أنا الوقتي have a broken heart أتعامل إزاي ؟!
أول حاجة عيط أيوة عيط كتير عيطت خلاص؟!
جبت آخرك ؟! طيب إمسح دموعك بقى وإسمعني ..
-متقعدش لوحدك : قعدتك لوحدك هتإذيك هتخليك دراما كوين في نفسك جداً هتفتكر ناس أذيتك في سبوعك هتلاقيك بتعيط علشان ماتحللتش لما كنت زيجوت ، قعدتك مع أشخاص غيرك حتى لو مجروحين هم كمان هيهون عليكم كلكم you will make comics من أحزانكم صدقوني وهتضحكوا في آخر القعدة ، i swear وجودهم هيهون كتير ..
-قرب من ربنا هو ال كتب ده وهو أدرى بالخير ليك إسأله العوض الجميل إسمع قرآن كتير واتدبر آيات الصبر والفرج سيبه يختارلك قول "اللهم إختر لي فإني لا أحسن الإختيار ودبر لي فإني لا أحسن التدبير "وإرمي حمولك عليه وناجيه صدقني هترتاح .
-بلاش الفترة دي تسمع أغاني حزينة ماتسمعش it’s you ماتفتحش البلاي ليست ال شايلها للوقت ده ماتسمعش it’s you ماتعملش شير لبوستس من نوعية ششششش already broken لإن في الوقت ده بتحس إن كل التويتس والبوستس معمولة علشانك وإن كل المآسي طلعت مقاسك مع إنها كانت موجوده قدامك طول السنة بس لا وعيك كان مش بيهتم بيها لإنها مكانتش على مقاسك وقتها مش أكتر وأخيراً ماتسمعش it’s you.
-ماتراقبشششششش ودي أهم نقطة في المرحلة دي : المراقبة بتتعب ومابتنسيش فضولك في الوقت ده إجمحه هتإذي نفسك بفضولك متتكلمش عن الشخص كتير اتكلمت ومقدرتش تمنع نفسك ماتطولش اتكلمت شوية خش ف انتوا عاملين ايه غدا النهاردة توه عقلك ماتخليش الموضوع ده شغلك الشاغل وواحدة واحدة هيصغر جواك وقصاد عينك .
-في الفترة دي بتبدأ الtrust issues تعمل عمايلها والإنسكيوريتيز تبهدلك معاها والأوڤرثينكينج يسحل دماغك وبتفقد الثقة في نفسك وتشوف إنك وحش مش محبوب وحاجات من هذا القبيل دي حلها إنك تشغل نفسك إسحل دماغك لو عاطل إشتغل لو بتشتغل مش هتبقى فاضي تفكر أصلاً مارس أي هواية بتحبها إنزل الچيم إقرأ إرسم إعمل أي حاجة بتحبها تلهيك ماتحبسكش جوا نفسك الفراغ عدوك في المرحلة دي .
وأخيراً مفيش حد مننا مادخلش في علاقة كان نفسه إنها تكمل وكان شايف إن لو نهاية المطاف مش مع الشخص ده ف أنا مش همشي أصلاً ولا هتحرك من مكاني من غيره بس الدنيا مابتقفش على بعد حد وبتضطر تمشي لوحدك وخلال الطريق هتقابل الشخص ال هتحمد ربنا ألف مرة إنك شوفت ال قبله علشان تعرف قيمته وساعتها هتعرف معنى العوض الجميل وإنك لو اتطلعت على الغيب لاختارت الواقع
لو جرح مادي أكيد هنبوس الواوا طيب لو جرح نفسي أو "عاطفي" بالأخص بنعمل إيه؟!
خلونا نتكلم الأول هو إيه أسباب الجرح العاطفي؟!
هو كل حكاية وليها ظروفها بس ممكن نتكلم عن الcommon reasons ال بتبقى موجودة في أغلب العلاقات زي مثلاً:
1-أول وأهم سبب هو إنك إختارت الشخص غلط من البداية ودي ال بيتبنى عليها بيبقى من منطلق ما بني على باطل فهو باطل حد مش شبههك مش فاهمك ممكن كمان مش بيحبك بس إنت فراغك خيل ليك إن هو ده الشخص علشان مش هتفضل وحيد طول عمرك يعني
تاني حاجة التضحيات : العلاقة دي زي السفينة تخيل كل طاقم السفينة دي واقفين في جنب واحد ومفيش حد راضي يتنازل ويروح الجنب التاني أكيد هيختل توازنها وهتغرق العلاقات كدة بالظبط مفيش علاقة ينفع يمشيها شخص واحد نفس الشخص ال بيحب هو الشخص ال بيضحي وبيقدم تنازلات هو الشخص ال بيصالح وبييجي ع نفسه علشان الدنيا تمشي بس في وقت ما الطاقة بتخلص وبييجي هنا دور الطرف التاني وآسفة إني هقولك إن عادة بيبقى دور سلبي لإنه إتعود ياخد مايديش وبيبقى شايف ده حق مكتسب بيزعل لما بيلاقي التضحيات وقفت وبيعتبرها إيه ده انت/ي مابقيتش تحبني/تحبيني كفاية ؟! وبيبدأ هنا الشخص ال ضحى يفوق ويكتشف إنه كان مستغل وإنه في علاقة غير سوية وبتنتهي العلاقة مع نهاية التضحيات
تالت حاجة التنازلات : مش عيب إن كل طرف يتنازل عن حاجة علشان زي ما قولنا المركب تمشي بس في حاجات مينفعش أتنازل فيها زي المستوى الإجتماعي الثقافي والمادي زي صفات عارف إنك مش هتقدر تتقبلها بيئة مش هينفع تدخل فيها وتلاقيك بتقول هتأقلم وهعدي وهتنازل انا بحب بس بعد فترة البدايات والحب والمشاعر بتبدأ مرحلة الواقعية وهنا بتكتشف إنك مش قادر تتنازل مش عارف تمشي الدنيا علشان زي ما قولنا في حاجات مش هينفع تتنازل فيها
الخيانة ودي موضوع كبير هنتكلم عنها في موضوع منفصل
وأسباب كتير غير المذكورة بناء على كل relationship وظروفها
طيب أنا الوقتي have a broken heart أتعامل إزاي ؟!
أول حاجة عيط أيوة عيط كتير عيطت خلاص؟!
جبت آخرك ؟! طيب إمسح دموعك بقى وإسمعني ..
-متقعدش لوحدك : قعدتك لوحدك هتإذيك هتخليك دراما كوين في نفسك جداً هتفتكر ناس أذيتك في سبوعك هتلاقيك بتعيط علشان ماتحللتش لما كنت زيجوت ، قعدتك مع أشخاص غيرك حتى لو مجروحين هم كمان هيهون عليكم كلكم you will make comics من أحزانكم صدقوني وهتضحكوا في آخر القعدة ، i swear وجودهم هيهون كتير ..
-قرب من ربنا هو ال كتب ده وهو أدرى بالخير ليك إسأله العوض الجميل إسمع قرآن كتير واتدبر آيات الصبر والفرج سيبه يختارلك قول "اللهم إختر لي فإني لا أحسن الإختيار ودبر لي فإني لا أحسن التدبير "وإرمي حمولك عليه وناجيه صدقني هترتاح .
-بلاش الفترة دي تسمع أغاني حزينة ماتسمعش it’s you ماتفتحش البلاي ليست ال شايلها للوقت ده ماتسمعش it’s you ماتعملش شير لبوستس من نوعية ششششش already broken لإن في الوقت ده بتحس إن كل التويتس والبوستس معمولة علشانك وإن كل المآسي طلعت مقاسك مع إنها كانت موجوده قدامك طول السنة بس لا وعيك كان مش بيهتم بيها لإنها مكانتش على مقاسك وقتها مش أكتر وأخيراً ماتسمعش it’s you.
-ماتراقبشششششش ودي أهم نقطة في المرحلة دي : المراقبة بتتعب ومابتنسيش فضولك في الوقت ده إجمحه هتإذي نفسك بفضولك متتكلمش عن الشخص كتير اتكلمت ومقدرتش تمنع نفسك ماتطولش اتكلمت شوية خش ف انتوا عاملين ايه غدا النهاردة توه عقلك ماتخليش الموضوع ده شغلك الشاغل وواحدة واحدة هيصغر جواك وقصاد عينك .
-في الفترة دي بتبدأ الtrust issues تعمل عمايلها والإنسكيوريتيز تبهدلك معاها والأوڤرثينكينج يسحل دماغك وبتفقد الثقة في نفسك وتشوف إنك وحش مش محبوب وحاجات من هذا القبيل دي حلها إنك تشغل نفسك إسحل دماغك لو عاطل إشتغل لو بتشتغل مش هتبقى فاضي تفكر أصلاً مارس أي هواية بتحبها إنزل الچيم إقرأ إرسم إعمل أي حاجة بتحبها تلهيك ماتحبسكش جوا نفسك الفراغ عدوك في المرحلة دي .
وأخيراً مفيش حد مننا مادخلش في علاقة كان نفسه إنها تكمل وكان شايف إن لو نهاية المطاف مش مع الشخص ده ف أنا مش همشي أصلاً ولا هتحرك من مكاني من غيره بس الدنيا مابتقفش على بعد حد وبتضطر تمشي لوحدك وخلال الطريق هتقابل الشخص ال هتحمد ربنا ألف مرة إنك شوفت ال قبله علشان تعرف قيمته وساعتها هتعرف معنى العوض الجميل وإنك لو اتطلعت على الغيب لاختارت الواقع
ليست هناك تعليقات:
إرسال تعليق